Расеец разлічыўся за буякі з жыхаром Берасця падробленымі далярамі
5- 5.10.2022, 12:25
- 5,542
Распачатая крымінальная справа.
Жыхар Берасця 43-х гадоў прынёс у адзін з банкаў горада да абмену дзве грашовыя купюры вартасцю 100 даляраў ЗША, паведамляе УУС Берасцейскага аблвыканкама.
У супрацоўнікаў банка ўзніклі падазрэнні ў сапраўднасці, як высветлілася небеспадстаўна: купюры былі падробленымі.
Мужчына растлумачыў міліцыі, што займаецца вырошчваннем буякоўў Маларыце. Ён здаў ягады расейцу, які разлічыўся за іх замежнай валютай.
Калі «прадаўцу» спатрэбіліся грошы ў нацыянальнай валюце, ён узяў даляры і пайшоў у абменнік, каб іх размяняць. Аднак грошы былі фальшывымі. Паводле гэтага факту ў дачыненні да неўсталяванай асобы распачалі крымінальную справу.