«237 набояў прыляцела за 40 хвілін, нас бяруць у атачэнне»
5- 5.10.2022, 14:36
- 14,422
Акупант зладзіў істэрыку праз паспяховы наступ УСУ на Херсоншчыне.
Расейскі захопнік паскардзіўся праз тэлефон жонцы і брату, што ўкраінскія вайскоўцы паспяхова наступаюць на Херсоншчыне. Ён распавёў, што аднойчы ўсяго за 40 хвілін па акупантах прыляцела 237 набояў - далей яны ўжо збіліся і не лічылі.
Абстрэл, пра які згадвае расейскі вайсковец, вёўся па размяшчэнні захопнікаў ля сяла Давыдава Броду, калі населены пункт яшчэ быў акупаваны. Перахоп адпаведных тэлефонных размоваў апублікавала прэс-служба Галоўнай управы выведкі Мінабароны Украіны.
Украінскія выведнікі паведамляюць, што фігурантамі размоваў з'яўляюцца вайсковец расейскіх узброеных сіл Касумаў Руслан Ахметавіч, ягоная жонка і брат. Тэлефонны званок, у якім Касумаў скардзіцца на моцныя абстрэлы з боку УСУ, быў запісаны 14 верасня.
«Учора 237 набояў прыляцела за 40 хвілін, з усяго запар - ад танкаў да HIMARS. Па Давыдаву Броду. Нас спрабуюць узяць у атачэнне», - кажа расейскі захопнік.
На гэта брат акупанта адказвае яму, каб ён уцякаў адтуль. Але захопнік кажа, што ягоныя падраздзяленні нікуды не адыходзяць і стаяць на месцы. А падчас абстрэлаў усе сядзяць у скляпах «як мышы».
Жонцы акупант паскардзіўся на тое, што захопнікі адышлі на Харкаўшчыне, пакінуўшы ўсе пазіцыі. Пры гэтым украінскія вайскоўцы так гналі акупантаў, што адціснулі іх ажно за расейскую мяжу.