«Траянскі конь» у войску РФ
6- 5.10.2022, 15:19
- 18,950
У Крыме стварылі рух, мэтай якога з'яўляецца зруйнаваць расейскія войскі.
Актывісты абвясцілі аб стварэнні ў шэрагах узброеных сіл РФ руху «Атэш», мэта якога - разваліць расейскае войска знутры.
Пра гэта Цензор.НЕТ паведамляе са спасылкай на «Крым SOS».
«У акупаваным Крыме прыцягваюць крымскіх татараў і праўкраінскіх расейцаў да падпольнага руху ўкраінцаў «Атэш». Яны будуць разбураць войска акупанта знутры», - гаворыцца ў паведамленні.
У тэлеграм-канале руху «Атэш» апублікаваны відэазварот яго актывіста.
«Мы - падпольны рух «Атэш», у якім знаходзяцца крымскія татары, украінцы і расейцы. Мы мабілізаваліся ў расейскае войска, каб руйнаваць яго знутры. Мы будзем зліваць пазіцыі жаўнераў, тэхнікі. Мы будзем ладзіць дыверсіі на складах і ў штабах. Нас няшмат, але ўжо паверце: будзе больш. Уступай у «Атэш»! Спынім вайну Пуціна. Мы не павінны паміраць за інтарэсы тырана», - кажа мужчына.