«Усе камандзіры ўжо 200-я»: Акупант расказаў пра акружэнне ў Цернах пад Ліманам

Расейскі салдат датэлефанаваўся жонцы з «кальца».

Расейскія акупанты апынуліся ў акружэнні перад тым, як УСУ здолелі ўзяць пасёлак Церны ў Данецкай вобласці.

Адзін з салдатаў РФ датэлефанаваўся жонцы ў момант, калі населены пункт бралі ў «кальцо». Захопнік у паніцы заявіў жонцы, што іх засталося 30 чалавек і шанцаў супраць украінскага войска няма. Паводле словаў акупанта, «200-мі» ўжо сталі першы і другі камандзіры ўзвода, камандзір роты і кіроўца.

Размову апублікавала ГУР Мінабароны Украіны.

Жонка патрапілага ў пастку акупанта расказала, што 29 верасня да іх павінны былі адправіць першых мабілізаваных.