У юбілей Пуціна тэрарыст Гіркін заявіў пра падзенне Крыма

Экс-кіраўнік баевікоў «ДНР» назваў тэрыторыі, якія хутка вызваляць УСУ.

УСУ дэакупуюць Харкаўскую вобласць і «зачышчаюць» Херсоншчыну. За пяць дзён УСУ вызвалілі ў Херсонскай вобласці 29 населеных пунктаў. У Генштабе Украіны гавораць, што акупанты РФ на поўдні спрабуюць контратакаваць за кошт рэзерваў. Аднак большасць захопнікаў бягуць, паўтараючы досвед калег у Харкаўскай вобласці.

Мяркуючы з развіцця сітуацыі, тэрарыст Ігар Стралкоў-Гіркін робіць стаўку на страту расейцамі не толькі Херсона.

Да 70-гадовага юбілею Пуціна ён пастанавіў назваць тэрыторыі, якія неўзабаве сыдуць з арбіты ўплыву Крамля.

«Няма нічога страшнага нават у здачы Херсона, няма нічога страшнага ў пакіданні Мелітопаля, нічога ў гэтым страшнага няма. Нават калі вораг у Крым уварвецца – і гэта не страшна», – пераконвае ён сваю аўдыторыю.

Пры гэтым акупант мяркуе, што войска РФ адыдзе з акупаваных тэрыторый на час, каб потым паўтарыць «спецаперацыю».