У Новай Кахоўцы пасля выбухаў гарыць мост каля ГЭС
1- 7.10.2022, 10:45
- 7,684
HIMARS зладзілі «феерверк» для акупантаў.
Жыхары Новай Кахоўкі на Херсоншчыне паведамляюць пра магутныя выбухі, якія суправаджаюцца яркімі «феерверкамі» ў раёне плаціны Кахоўскай ГЭС. У горадзе перыядычна знікае электрычны ток.
Пра гучны «пляскач» у Кахаўскім раёне паведамляюць херсонскія тэлеграм-каналы. Выбухі, падчас якіх у гараджанаў міргала электрычнасць, былі чуваць увечары 6 кастрычніка.
Праз некалькі хвілінаў пасля «прылётаў» на тэрыторыі Херсонскай вобласці была абвешчаная паветраная трывога.
Канал «Мікалаеўскі Ванёк», які публікуе праўдзівую інсайдарскую інфармацыю з паўднёвага фронту, пацвярджае траплянне паблізу Кахоўскай ГЭС. У сеціве таксама з'явілася відэа, знятае відавочцамі, на якім зафіксаванае полымя, што ахапіла апоры моста, і яркае зарыва ў начным небе на фоне вадасховішча.
Video of the consequences of explosion in Kakhovka pic.twitter.com/x0j4Cu8FUj
— DACHI-shows you *End of Russky mir (@DachiOf) October 6, 2022
Таксама апублікаваныя фота калоны расейскай ваеннай тэхнікі, заўважанай сёння днём на вуліцы Горкага ў Новай Кахоўцы. Амерыканскі аглядальнік, ветэран арміі ЗША Джоні Сікс, які займаецца трэкінгам зброі і баёў на аснове маніторынгу больш як 1400 каналаў, сцвярджае, што праз 10 хвілінаў пасля руху ў бок пераправы гэтая калона была разбітая ў раёне Кахоўскай ГЭС. Аднак дакладных фота- і відэапруфаў знішчэння менавіта гэтай тэхнікі ў цяперашні час няма.
The column of Russians that gathered on the street this afternoon. Gorky in Nova Kakhovka. After 10 minutes of movement, it was destroyed in the area of Kakhovskaya HPP
— Johnny Six (@Johnyrocket69) October 6, 2022
#Ukraine️ #Kherson #Kherson pic.twitter.com/6jFT4mjsjh
#Kherson
Абноўлена: інфармуюць таксама пра пажар і выбухі ў раёне Каланчака – гэты населены пункт у Скадоўскім раёне знаходзіцца прыкладна за 60 км ад Новай Кахоўкі і больш за 100 км ад найбліжэйшых пазіцый УСУ.
Акрамя таго, ёсць паведамленні пра вечаровыя «плескачы», якія чулі ў наваколлях Херсона: у вобласці прадаўжаецца контрбатарэйны двубой артылерыі.