4 лютага 2023, Субота, 18:08
Сім сім, Хартыя 97!
Рубрыкі

«Тавар, які ўвозіцца з-за мяжы, знікне з продажу»

31
«Тавар, які ўвозіцца з-за мяжы, знікне з продажу»

ІП жорстка выказаўся аб забароне на падвышэнне коштаў.

З 6 кастрычніка чыноўнікі забаранілі ІП і юрыдычным асобам падвышаць у Беларусі кошты тавараў і паслуг. Гэта датычыцца як вытворцаў і імпарцёраў, так і гандлю, піша zerkalo.io.

«Калі забарона на падвышэнне коштаў пратрымаецца больш за два тыдні, то бізнэс будзе нешта прыдумляць»

Сямён займаецца продажам курыльных вадкасцяў, вейпаў. У яго адкрытая невялікая кампанія. Ён прагназуе, што праз забарону падвышаць кошты хутка скароціцца асартымент.

- Як мінімум некаторы тавар, які ўвозіцца з-за мяжы, знікне з продажу, бо яго будзе нерэнтабельна прадаваць. Закупачныя кошты стала растуць, у такім выпадку не абысціся без падвышэння кошту тавару. Але ў нас увялі забарону на рост кошту. У такім разе будзем адмаўляцца ад такога тавару. Калі падаражэе закупка, то проста не будзем браць тавары. Бізнэс працуе дзеля таго, каб зарабіць грошы. Завозіць нейкі тавар, дзе будзе мінімальная нацэнка, наўрад ці нехта стане. Гэта значыць, адно з наступстваў забароны - скарачэнне асартыменту.

Сямён прыводзіць прыклад. Закупачная цана вадкасці для вэйпа 30 мл у Расеі - 9 беларускіх рублёў у пераліку. У раздробе яе прадаюць па 33 рублі. Розніца паміж закупачнай цаной і раздробнай - гэта ў тым ліку акцызны збор (15 капеек за 1 мл), ПДВ, сертыфікацыя (тарыф вырас з 1 красавіка), выдаткі на заробак работнікам, арэнду, а таксама маржа.

«Калі закупачны кошт вырасце з 9 да 9,5 рубля, то раздробны кошт павялічыцца прыкладна на 1,5 рубля. Таму што па ланцужку вырастуць і іншыя расходнікі, у тым ліку ПДВ, - тлумачыць Сямён. - У гэтай сітуацыі ўзнікае пытанне: што рабіць у сітуацыі, калі зменіцца курс расейскага рубля, да якога прывязаны закуп?

Сямён бачыць як мінімум тры варыянты, як будзе паводзіць сябе бізнэс.

- Калі забарона на падвышэнне коштаў пратрымаецца больш за два тыдні, то бізнэс будзе нешта прыдумляць. Ёсць два варыянты: мяняць цэны прамінулай датай, але так, каб да нас не чапіліся правяраючыя, або адмаўляцца ад тавару. Бізнэс абвык да вызначанага ўзроўню жыцця, абвык зарабляць грошы. Лепш рызыкнуць уяўным штрафам, зрабіць акуратна, каб ніхто не чапляўся, чым закрывацца.

На думку бізнэсоўца, трэці варыянт - у тэорыі звольніць работнікаў.

- Але тут трэба пралічваць, наколькі гэта будзе мэтазгодна, - адзначае Сямён. - Але прызнаюся, што я нават у нечым узрадаваўся забароне на падвышэнне коштаў. Ад гэтага пачнуць усе пакутаваць. Пачнецца глупства, бо буйны бізнэс наўрад ці падстроіцца. У такім выпадку ёсць імавернасць, што людзі зноў пойдуць на мітынгі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».