Belavia аднаўляе рэгулярныя рэйсы ў Туркменістан

Квіток у адзін бок - 299 еўраў.

Беларускі авіявознік «Белавія» аднаўляе рэгулярныя рэйсы ў Туркменістан, паведаміла прэс-служба кампаніі.

Першы рэйс вылеціць з Менска 25 кастрычніка, з 1 лістапада рэйсы будуць выконвацца па аўторках 1 раз на 2 тыдні.

Расклад рэйсаў (час для ўсіх аэрапортаў паказаны мясцовы):

- вылет з Менска а 22.40, прылёт у Туркменбашы а 4.45;

- вылет з Туркменбашы а 5.45, вяртанне ў Менск а 8.05.

Мінімальны кошт квіткоў у адзін бок - ад 299 еўраў, у абодва - 520 еўраў (тарыфны брэнд - Smart).

Грамадзянам Рэспублікі Беларусь для ўезду ў Туркменістан неабходная віза.