Эксперт: У Крамлі шукаюць новага кіраўніка

Эліта хоча прадаць захаду «рэфарматара».

Як у Крамлі шукаюць кандыдата на замену дыктатару Уладзіміру Пуціну, расказаў у эфіры Радыё НВ Уладзімір Агрызка, украінскі дыпламат, міністр замежных спраў Украіны ў 2007—2009 гадах.

«Вакол Пуціна нешта адбываецца, вядуцца закулісныя кантакты з Захадам - у гэтым няма ніякіх сумневаў. Публіка вакол Пуціна даўно зразумела: Расея саступіць. І калі ёсць хоць нейкі шанец на выратаванне — гэта найперш змена лідэра, [замест папярэдняга] на якога павесяць усіх сабак <…>. [Яны хочуць] спрабуюць выбіць для сябе якое-небудзь памілаванне, каб іх не пасадзілі поруч з ім на лаву Міжнароднага крымінальнага суда або спецыяльнага трыбунала», - пракаментаваў закулісныя працэсы ў Крамлі Агрызка.

Паводле ягоных слоў, гэтыя спробы асуджаныя на паразу, бо расейскае грамадства напоўненае злачыннымі поглядамі, карэнным чынам супрацьлеглымі заходнім вартасцям:

«Гэта ўсё адна хеўра, зборня бандытаў, якія захапілі ўладу ў Расеі. Там няма альтэрнатывы. Гэта картаванне адной калоды і спроба выцягнуць з яе кагосьці, каго можна прадаць Захаду як рэфарматара. Гэта тое, чым цяпер займаецца ўся гэтая хеўра. Яны вераць, што яны здолеюць пераканаць Захад, што містэр Х будзе цудоўным, лепшым, больш празаходнім, ліберальным, дэмакратычным, чаго не можа быць паводле вызначэння».