Бункер №1: што вядома пра галоўнае спецукрыццё Пуціна

Інфармацыя амерыканскай выведкі.

Адзін з самых вядомых і найстарэйшых бункераў Пуціна знаходзіцца пад Крамлём, амерыканская выведка даведалася пра яго некалькі дзясяцігоддзяў таму.

Паводле яе звестак, бункер №1 размешчаны на глыбіні 200-300 м і з'яўляецца ці ледзь не адной з самых умацаваных у РФ падземных хованак, гаворыцца ў артыкуле «НВ» «Дзе хаваецца Пуцін». «НВ» называе пяць падземных бункераў, дзе можа знаходзіцца расейскі дыктатар.

Мяркуецца, што будаўніцтва гэтага падземнага сховішча пачалося ў 1950-х, пасля першых выпрабаванняў атамнай бомбы, і з таго часу інфраструктура гэтага аб'екта стала ўдасканальваецца, а абарона ўзмацняецца.

Маскоўскі бункер мае разгалінаваную інфраструктуру і вельмі высокую ступень абароны, бо меркавалася, што тут будзе знаходзіцца вышэйшае вйскова-палітычнае кіраўніцтва краіны ў перыяд узброенага, прынамсі, ядзернага канфлікту, і адсюль можна будзе кіраваць краінай і яе войскам.

Паводле звестак агенцтва вайсковай выведкі ЗША, у расейскай сталіцы ёсць яшчэ адзін падобны па трываласці бункер, размешчаны каля Маскоўскага дзяржаўнага ўніверсітэта імя Міхаіла Ламаносава.

На ацэнкі Міністэрства абароны ЗША, у такіх бункерах можа знаходзіцца да 10 тысяч чалавек. Мяркуецца, што запасу харчавання, вады, медыкаментаў і аўтаномнай працы сістэм жыццезабеспячэння тут выстарчыць на некалькі месяцаў пасля магчымай ядзернай атакі.

У апублікаванай у 1991 годзе справаздачы мінабароны ЗША - Military forces in transition [Узброеныя сілы ў пераходны перыяд] - гаворыцца, што абодва спецсховішчы - пад Крамлём і ля МДУ - злучаюцца паміж сабой сістэмай сакрэтнай урадавай падземнай чыгункі.

Паводле інфармацыі амерыканскага мінабароны, урадавая сакрэтная падземная чыгунка, якая пасля атрымала ўмоўную назву Метро-2, мае некалькі галінак, якія могуць весці да іншых спецукрыццяў, а таксама да VIP-тэрміналу аэрапорта Унукава.

Пасля распаду СССР былыя дзяржаўныя службоўцы ў шэрагу інтэрв'ю ўскосна пацвярджалі наяўнасць у Маскве сакрэтнага падземнага транспарту, які злучае ўрадавыя бункеры пад Масквой.