Рука пасінела, а твар распух: новыя факты аб пагаршэнні здароўя Пуціна
18- 26.11.2022, 14:02
- 36,944
Яшчэ адзін міжнародны сродак інфармацыі звярнуў увагу на неадэкватныя паводзіны кіраўніка Крамля.
На сустрэчы з прэзідэнтам Кубы Пуцін рухаў нагой, што зноў жа падагрэла чуткі аб тым, што, магчыма, расейскі прэзідэнт пакутуе ад боляў, звязаных з анкалагічным захворваннем.
З'яўленне на публіцы прэзідэнта РФ Уладзіміра Пуціна спарадзіла новыя чуткі аб стане ягонага здароўя.
Аб гэтым піша The Mirror.
На відэазапісе, апублікаваным на сайце Крамля, Пуцін супольна з кубінскім прэзідэнтам Мігелем Дыяс-Канэлем Бярмудэсам гавораць падчас адкрыцця помніка кубінскаму лідару Фідэлю Кастра ў Маскве.
На адкрыцці бронзавай статуі кубінскага рэвалюцыянера гаворка ішла пра «традыцыйнае сяброўства» паміж народамі дзвюх краін.
«На запісе Пуцін, відавочна, адчувае сябе ніякавата і трымаецца рукой за крэсла. Рука расейскага прэзідэнта прыкметна пасінела, і ён выглядаў зморшчаным, стоячы побач з прадстаўніком кіраўніцтва Кубы», - піша выданне.
Як адзначае The Mirror, твар Пуціна выглядаў ацёклым і бледным.
Як і на папярэдніх відэа, Пуцін рухаў нагой, што зноў жа падагрэла чуткі аб тым, што, магчыма, расейскі прэзідэнт пакутуе ад болю, звязанага з анкалагічным захворваннем.