СМІ: Стан здароўя Лукашэнкі моцна пагоршыўся

Раптоўная смерць Макея на фоне іншых падзей выклікала турбулентнасць.

З Менска паведамляюць, што стан здароўя Лукашэнкі моцна пагоршыўся. Гэтым тлумачыцца моцныя рухі ўнутры палітычнага рэжыму. Дрэннае здароўе і імклівае падзенне лаяльнасці асяроддзя хвалююць Лукашэнку: апошнія дні ён раздражнёны, зрываецца, піша палітолаг Зміцер Балкунец са спасылкай на чат тэлеграм-канала «Брыфінг».

Магчыма, вельмі нервовая размова магла выклікаць інфаркт у Макея пасля яго сустрэчы з Лукашэнкам. У апошнія дні Лукашэнка нібыта знаходзіцца пад моцным ціскам Масквы, якая патрабуе актыўнага ўключэння ў «спецаперацыю» ва Украіне.

Запушчаныя па некалькіх каналах чуткі пра магчымую ліквідацыю Лукашэнкі. У Маскву з'ехала Качанава. Затым памірае Макей. У Менску гэта выклікала турбулентнасць. Лукашэнка адмаўляецца каментаваць сітуацыю.

Разабрацца ў сітуацыі вельмі складана.

Пазіцыя 1. Лукашэнка вельмі зацікаўлены ў стабілізацыі сітуацыі і выхаду з цугцванга з удзелам у СВА. Але ў Лукашэнкі няма гарантаў, якія забяспечваюць незалежнасць ад Крамля.

Пазіцыя 2. Украіна і Захад настроеныя канчаткова пасварыць Лукашэнку з Расеяй і справакаваць канфлікт у Менску.

Пазіцыя 3. Расея мае намер узмацніць беларускі фланг і зрабіць стаўку на свайго кандыдата ў Менску.

Пазіцыя 4. Сілавая партыя ў Беларусі адчула сур'ёзныя рызыкі і сама правакуе Лукашэнку на адстаўку.

Сітуацыя для Лукашэнкі цяпер нават пагоршылася ў параўнанні з 2020 годам. Вялікая імавернасць, што Лукашэнка неўзабаве страціць працаздольнасць і Беларусь пагрузіцца ва ўнутраны канфлікт, выкліканы грызнёй эліт і вонкавым умяшаннем.

Як пісаў сайт Charter97.org, Макей памёр на фоне інфармацыі аб падрыхтоўцы замены Лукашэнкі.