Лаўроў скасаваў паездку ў Менск праз смерць Макея
19- 27.11.2022, 12:59
- 11,462
Перанесенае супольнае пасяджэнне калегіі міністэрстваў замежных спраў Беларусі і Расеі.
Супольнае пасяджэнне калегіі міністэрстваў замежных спраў Беларусі і Расеі, якое было запланаванае на 27-28 лістапада, скасавалі. Аб гэтым паведамляецца на сайце замежнапалітычнага міністэрства РФ. Прычына - смерць кіраўніка МЗС Беларусі Уладзіміра Макея.
Праз смерць Уладзіміра Макея паседжанні калегій МЗС Беларусі і Расеі пастанавілі перанесці. Як паведамляе МЗС РФ, аб новых тэрмінах візіту і супольнага паседжання калегій абвесцяць дадаткова.
У МЗС Расеі заявілі, што Сяргей Лаўроў праз перанос пасяджэння калегіі скасаваў запланаваны візіт у Менск.
Нагадаем, 26 лістапада стала вядома аб смерці Уладзіміра Макея. Кіраўніку дыпведамства было 64 гады. Што менавіта спрычынілася смерці міністра - дакладна невядома.
Як пісаў сайт Charter97.org, Макей памёр на фоне інфармацыі аб падрыхтоўцы замены Лукашэнкі.