Байцы Нацгвардыі Украіны паказалі магутнае відэа з эпіцэнтра баёў пад Бахмутам
2- 27.11.2022, 15:19
- 10,428
Як выглядае адзін дзень на перадавой.
У Нацыянальнай гвардыі Украіны паказалі, як выглядае адзін з дзён на фронце пад Бахмутам. Гэты кірунак разам з Аўдзееўскім з'яўляюцца галоўнымі для ўдараў войскаў РФ.
Відэа з перадавой нацгвардзейцы падалі OBOZREVATEL.
«Данеччына застаецца эпіцэнтрам разлютаваных баёў. На відэа - адзін з населеных пунктаў непадалёк ад Бахмута, які цалкам разбіты артылерыяй і РСЗА ворага», - распавялі абаронцы (ролік размешчаны ўнізе навіны).
З іх слоў, воіны Нацгвардыі ўтрымліваюць абарону супольна з Узброенымі сіламі Украіны.
На кадрах роліка адна з груп пад абстрэламі ажыццяўляе эвакуацыю нацгвардзейца, які атрымаў асколачныя раненні ног.
«Задача была даволі складаная і дарога цалкам прастрэльвалася», - распавялі вайскоўцы.
У канцы відэа чуваць, як адзін з байцоў напявае «Ой у лузі червона каліна».