Польшча выкрыла хлусню лукашэнкаўскай прапаганды пра мігрантаў
7- 27.11.2022, 20:58
- 14,758
Беларускі памежны камітэт нахлусіў аб «масавай міграцыі ўкраінцаў у Беларусь».
Рэжым Лукашэнкі хлусіць, што нібыта "струмені ўцекачоў з Украіны" спрабуюць праткнуцца ў Беларусь праз Польшчу. Пра гэта заявіў у Twitter прэсавы сакратар каардынатара спецыяльных службаў Польшчы Станіслаў Жарын.
Białoruska propaganda kontynuuje fałszowanie rzeczywistości, w szczególności na temat roli Białorusi w wojnie przeciwko Ukrainie. Na stronie Białoruskiego Komitetu Granicznego opublikowano komunikat, w którym Mińsk informuje o rzekomo masowej migracji Ukraińców na Białoruś.
— Stanisław Żaryn (@StZaryn) November 27, 2022
1/4 pic.twitter.com/FWYflD8ieU
Жарын зазначыў, што на сайце Беларускага памежнага камітэта апублікаванае камюніке, у якім паведамляецца пра нібыта масавую міграцыю ўкраінцаў у Беларусь.
"На графіцы пададзеныя хлуслівыя звесткі пра ўкраінскіх уцекачоў, якія нібыта ўехалі ў Беларусь", - піша Жарын. Так, не маюць дачынення да рэальнасці звесткі, што амаль 40 000 чалавек нібыта ўехалі ў Беларусь праз Польшчу.
"Беларуская прапаганда чарговы раз ківае, што ўкраінцы, якія ратуюцца ад расейскай агрэсіі, шукаюць прытулку ў Беларусі, уважаючы гэтую краіну за больш бяспечную, чым краіны ЕЗ", – адзначае ён.
Жарын нагадаў, што "з самага пачатку вайны Расеі супраць Украіны Беларусь была ўцягнутая ў канфлікт, перадаючы зброю Расеі і даючы тэрыторыю для нападу на Украіну".