Брытанская выведка: Расейская тактыка пацярпела паразу ва Украіне
2- 29.11.2022, 11:14
- 6,062
БТГ з'яўлялася адной з асноў расейскай вайсковай дактрыны.
У апошнія тры месяцы расейскія войскі ва Украіне ў асноўным спынілі разгортванне батальённа-тактычных груп, адзначаюць аналітыкі Міністэрства выведкі Вялікабрытаніі.
Канцэпцыя БТГ адыгрывала важную ролю ў расейскай вайсковай дактрыне за апошнія дзесяць гадоў і прадугледжвала інтэграцыю батальёнаў з поўным спектрам дапаможных падраздзяленняў, у тым ліку бранятэхніку, выведку і артылерыю ў адрозненне ад звычайнай заходняй практыкі.
Latest Defence Intelligence update on the situation in Ukraine - 29 November 2022
— Ministry of Defence 🇬🇧 (@DefenceHQ) November 29, 2022
Find out more about the UK government's response: https://t.co/BH2fUT8Uqr
🇺🇦 #StandWithUkraine 🇺🇦 pic.twitter.com/G6IYZE2HDK
Аднак падчас высокаінтэнсіўных шырокамаштабных баявых дзеянняў ва Украіне выявіліся ўнутраныя хібы канцэпцыі БТГ. Даволі невялікае размеркаванне баявой пяхоты ў БТГ часта было недастатковым.
«Дэцэнтралізаванае размеркаванне артылерыі не дазволіла Расеі поўнасцю выкарыстоўваць сваю перавагу ў колькасці гармат; і некаторыя камандзіры БТГ былі ўпаўнаважаныя гнутка выкарыстоўваць магчымасці так, як распрацаваная мадэль груп», - адзначаюць у брытанскай выведцы.