Небажэнка пра смерць Макея: Пуцін паказаў Лукашэнку, як ён лёгка развязвае яго і свае праблемы
5- 29.11.2022, 11:34
- 12,484
Дыктатар адчувае сябе няўпэўнена сам-насам з Крамлём.
Украінскі палітолаг Віктар Небажэнка падзяліўся высновамі ў сувязі з нечаканай смерцю кіраўніка лукашэнкаўскага МЗС Уладзіміра Макея:
- Пуціну надакучыла ўгаворваць Лукашэнку, каб ён уварваўся ва Украіну. Для пачатку, замест Лукашэнкі ў Беларусі раптоўна памёр шматгадовы міністр замежных спраў Беларусі Макей, які вёў «тонкую гульню» паміж Захадам і Крамлём.
Пуцін паказаў Лукашэнку як ён лёгка развязвае яго і свае праблемы ў Беларусі. Цяпер Лукашэнка застаўся сам-насам з Пуціным.
Як пісаў сайт Charter97.org, Макей памёр на фоне інфармацыі аб падрыхтоўцы замены Лукашэнкі.
Адзначым, што Макей - адна з ключавых фігур рэжыму Лукашэнкі. У 2000-2008 працаваў памочнікам дыктатара. 15 ліпеня 2008 года прызначаны на пасаду кіраўніка адміністрацыі Лукашэнкі.
Падчас пратэстаў пасля «выбараў» у 2010-м годзе менавіта Макей расказваў на тэлевізіі аб «падрыхтоўцы тэрарыстычных актаў» і «баевіках».
20 жніўня 2012 года назначаны міністрам замежных спраў. Актыўна лабіяваў зняцце санкцый супраць рэжыму Лукашэнкі. Заяўляў, што «праблем палітвязняў у Беларусі не існуе».