Жыхара Жлобіна прысудзілі да трох гадоў калоніі паводле «справы Зэльцэра»

Палітвязня абвінавацілі ў «абразе Лукашэнкі».

Гомельскі абласны суд на закрытым пасяджэнні 24 лістапада вынес прысуд жыхару Жлобіна, палітвязню Сяргею Сляжову, які абвінавачваўся ў «абразе Лукашэнкі» (ч. 1 арт. 368 КК) і «распальванні іншай сацыяльнай варожасці і варожасці» (ч. 1 арт. ).

Як паведамляюць праваабаронцы «Вясны», палітвязень Сяргей Сляжоў быў затрыманы 29 верасня 2021 года ў Жлобіне паводле крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і IT-спецыяліста Андрэя Зельцэра падчас перастрэлкі ў Менску.

Падрабязнасці абвінавачання Сляжова пакуль невядомыя. Ён быў прызнаны «вінаватым» і пакараны пазбаўленнем волі ў калоніі ва ўмовах агульнага рэжыму тэрмінам на тры гады. Справу разглядаў суддзя Руслан Царук.