Кітай заявіў аб «уварванні» крэйсера ЗША у свае воды

Камандаванне амерыканскіх ВМС адказала Пекіну.

Кітайскія вайскоўцы абвінавацілі амерыканскі крэйсер Chancellorsville у «незаконным уварванні» у свае воды паблізу астравоў Спратлі ў Паўднёва-Кітайскім моры.

Пра гэта паведамляе Reuters.

На думку кітайскіх вайскоўцаў, дзеянні крэйсера ЗША сур'ёзна парушылі суверэнітэт і бяспеку Кітая.

Паводле звестак маніторынгу руху караблёў, Chancellorsville нядаўна прайшоў праз Тайваньскі праліў, а затым каля астравоў Спратлі.

ВМС ЗША, у сваю чаргу, называюць заяву Кітая «фальшывай» і ахарактарызавалі яе як «апошняе ў доўгім шэрагу дзеянняў КНР у скажэнні законных марскіх аперацый ЗША».

ЗША адзначаюць, што іх крэйсер дзейнічаў у рамках прынцыпу свабоднага суднаходства, які замацаваны міжнародным правам.

«Злучаныя Штаты абараняюць права кожнай краіны лётаць, плаваць і дзейнічаць усюды, дзе гэта дазваляе міжнароднае права», – гаворыцца ў заяве ВМС ЗША.

Як вядома, Кітай прэтэндуе амаль на ўсё Паўднёва-Кітайскае мора, і яго воды сталі адной са шматлікіх гарачых мясцін у няпростых стасунках паміж ім і Злучанымі Штатамі.

Пры гэтым ЗША зняпраўджваюць тое, што яны называюць незаконнымі тэрытарыяльнымі прэтэнзіямі Кітая ў гэтых водах.