«Еўрагандаль» скарачае дастаўку прадуктаў па Беларусі

Што адбываецца?

Сэрвіс хуткай дастаўкі прадуктаў «Ямигом», які працуе ў Менску і належыць «Еўрагандлю», скараціў тэрыторыю абслугоўвання і паменшыў пункты самавывазу да трох.

Праз сэрвіс «Ямигом», які належыць «Еўрагандлю», можна замовіць прадукты, якія дастаўляюць цягам 20 хвілін, заказ таксама можна было забраць у пунктах самавывазу. Нядаўна сэрвіс скараціў тэрыторыю дастаўкі заказаў і паменшыў пункты самавывазу да трох: на вуліцах Скарыны і Калеснікава, а таксама на праспекце Дзяржынскага. Кароткая інфармацыя аб гэтым ёсць на сайце сэрвісу, пра што «Зеркалу» таксама паведамілі чытачы.

- Забіраў сёння заказ у сэрвісе «Ямигом». Распавядалі наступнае: 27 лістапада, хутчэй за ўсё, застануцца тры пункты выдачы заказаў, яны будуць максімум да сярэдзіны снежня. Не ведаю, ці працягне працу дастаўка, - паведаміў у рэдакцыю на мінулым тыдні Уладзімір (імя змененае).

- Гэта на нявызначаны тэрмін. Аб тэрмінах аднаўлення ўсіх астатніх пунктаў інфармацыі цяпер няма, - патлумачыла нам праз тэлефон супрацоўніца службы падтрымкі «Ямигом». Аператар не ведае, ці будуць і далей скарачаць зону дастаўкі або цалкам ліквідаваць прадпрыемства, дзяўчына толькі адзначыла, што аб закрыцці сэрвісу размова пакуль не ідзе.

Нагадаем, нядаўна яшчэ адно падраздзяленне «Еўрагандлю» - «Еўраопт» - абвясціла аб тым, што сэрвіс «Е-дастаўка» значна скарачае сваю геаграфію, даступнымі для дастаўкі засталіся толькі Менск і вобласць, Баранавічы і абласныя цэнтры. Аднак ужо 11 лістапада кампанія заявіла, што вяртае магчымасць дастаўкі пакупак ва ўсёй краіне.