Пуцін здзейсніў самую сур'ёзную памылку

Афіцэр спецслужбаў распавёў аб ключавым праколе кіраўніка Крамля.

Прэзідэнт РФ Уладзімір Пуцін і расейскія спецслужбы пралічыліся, калі вызначылі не правяраць інфармацыю аб Украіне, якую ім давалі мясцовыя агенты. Такое меркаванне ў інтэрв'ю заснавальніку інтэрнэт-выдання gordonua.com Дзмітрыю Гардону выказаў афіцэр Камітэта дзяржаўнай бяспекі СССР у адстаўцы Уладзімір Папоў (ён працаваў у структуры ў 1972–1991 гадах, цяпер жыве ў Канадзе).

Гардон спытаў, у чым самая сур'ёзная памылка Пуціна, калі аналізаваць ягоную пастанову ўварвацца ва Украіну.

«Я думаю, што найперш гэта недастатковасць сур'ёзнага аналізу спецслужбаў. Як замежнай выведкі, так і ФСБ. Бо наяўнасць агентуры і тое, што яна паведамляе...Як правіла, калі атрымліваюцца сур'ёзныя агентурныя матэрыялы пра якія-небудзь палітычныя тэндэнцыі са спробай прагназавання магчымых палітычных змен і ўплываў, такая інфармацыя пераправяраецца. Тут, відаць, гэтага проста не было», - выказаў меркаванне Папоў.

Ён мяркуе, што Пуціну дакладвалі тое, што яму хацелася чуць пра Украіну.

«Усё гэта [ад агентаў ва Украіне] успрымалася на «ўра» і ўлівалася ў вушы тое, што Пуцін хацеў чуць: «Ды там усё нармальна. Вакол нашы. Усё будзе добра. Прымуць нас як у Крыме». Вызваленне Херсона ўкраінскімі войскамі нядаўна паказала, як гэта насамрэч. Народ радуецца і са схованак дастае ўкраінскія сцягі. Ідыёты, што вы пачалі? Я маю на ўвазе Пуціна і Расею ў ягоным твары», – сказаў былы супрацоўнік КДБ.

Ён мяркуе, што ў Расеі не было дакладнага плана вайсковай кампаніі супраць Украіны.

«Расея папросту не была гатовая да гэтага... Больш за тое, разлікі пачыналіся з таго… То накіраваліся да Кіева, захапілі Бучу, [пайшлі] на гастомельскі аэрапорт, потым, атрымаўшы там сур'ёзны адпор, рынуліся ў бок Харкава. Потым Чарнігаў, потым Сумы, потым Марыупаль і Мелітопаль. Херсон быў першапачаткова. Самыя сапраўдныя шараханні. Гэта значыць, дакладнай, як падаецца, праграмы дзеянняў па гэтай агрэсіі не было. І не было разліку на тое, што Украіна надасць такі рашучы і мужны адпор. Безумоўна, быў разлік на слабасць Украіны - і эканомікі, і войска, - як уяўлялася расейскаму кіраўніцтву, прынамсі, самому Пуціну. І таму ўсё гэта вар'яцтва і пачалося. Акрамя як «вар'яцтвам», я не магу гэта інакш назваць. Самае сапраўднае вар'яцтва. А ўжо пра жорсткасць і казаць не даводзіцца. Беспрэцэдэнтна», - сказаў Папоў.