Палітолаг Салавей: Макей быў забіты
27- 29.11.2022, 16:28
- 32,490
І гэта «чорная пазнака» для Лукашэнкі.
Вядомы сваімі гучнымі прагнозамі расейскі палітолаг Валерый Салавей назваў раптоўную смерць кіраўніка беларускага замежнапалітычнага міністэрства Уладзіміра Макея - забойствам.
«Насамрэч надзейныя крыніцы, якім няма падставы не давяраць, паведамляюць, што гэта было забойства. І быў забіты Макей таму, што выявіўся вельмі паспяховым перамоўнікам на трэку стасункаў беларускага кіраўніцтва з заходнімі краінамі», - заявіў Валеры Салавей на сваім YouTube-канале.
Паводле слоў аналітыка, падчас гэтых перамоў размова ішла аб тым, што «Беларусь гатовая пайсці на нейкія палітычныя ўступкі, з тым каб паспрабаваць пачаць аднаўляць стасункі з Захадам».
Але раптоўная смерць Уладзіміра Макея «заблакавала гэты трэк».
Як адзначае Салавей, «забойства Макея не толькі ставіць крыж на перамовах Лукашэнкі з Захадам», але гэта яшчэ і «чорная пазнака» самому беларускаму дыктатару.
«Не, яго ніхто не збіраецца забіваць. Гэта просты намёк, што можа адбыцца з тымі, хто паспрабуе адмовіцца ад цесных брацкіх абдымкаў. Паглядзім, як адрэагуе на гэта Лукашэнка, а думаю, што адрэагуе ён ва ўласцівай яму манеры - стаіцца. Але, зрэшты, стаіць і зло, нянавісць і крыўду ў дачыненні да тых, хто перашкаджае яму спрабаваць дыстанцыявацца ад расейскага кіраўніцтва і яго палітыкі», - мяркуе экспэрт.
«Апошні хаўруснік меў намер пакінуць цесныя брацкія абдымкі Крамля», - рэзюмаваў Салавей.