Cілавікі затрымалі гендырэктара «Беллесвырабу»

Лукашысты сцвярджаюць, што ён удзельнічаў у пратэстах.

Супрацоўнікі ГУБАЗіК затрымалі генеральнага дырэктара «Беллесвырабу» Віталя Васілевіча, паведамляе «Медиазона».

Праўладны Telegram-канал апублікаваў «пакаяннае» відэа з Васілевічам, там затрыманы кажа, што ўдзельнічаў у акцыях пратэсту 16 і 23 жніўня, выходзіў на праезную частку, а таксама не пусціў сілавікоў на тэрыторыю свайго прадпрыемства.

Аўтары канала называюць Віталя Васілевіча «даляравым мільянерам» і сцвярджаюць, што дома ў яго знайшлі агнястрэльную зброю.