Вечаровая зводка Генштаба УСУ

Украіна супрацьстаіць уварванню РФ 279-ы дзень.

Узброеныя сілы Украіны атакавалі пазіцыі зенітна-ракетнага комплексу расейскіх акупантаў. У той самы час вораг прадаўжае весці наступальныя дзеянні пад Бахмутам і Аўдзееўкай.

Пра гэта паведамляе Генеральны штаб УСУ.

Расейскія акупанты прадаўжаюць узброеную агрэсію супраць украінскай дзяржавы, не спыняюць наносіць удары па аб'ектах цывільнай інфраструктуры. Праціўнік спрабуе ўтрымаць часова захопленыя тэрыторыі, засяроджвае намаганні на стрымліванні дзеянняў падраздзяленняў сілаў абароны Украіны, ажыццяўляе інжынернае абсталяванне абаронных рубяжоў і пазіцый, у асобных кірунках прадаўжае весці наступальныя дзеянні.

Прадаўжаецца перамяшчэнне асабовага складу і ваеннай тэхнікі ворага для камплектавання пацярпелых падраздзяленняў, а таксама фармавання новых частак і падраздзяленняў. За суткі вораг нанёс ракетны ўдар па цывільных аб'ектах населенага пункта Каўшараўка Харкаўскай вобласці, здзейсніў 26 авіяцыйных удараў і 10 абстрэлаў з рэактыўных сістэмаў залпавага агню пазіцый украінскіх войскаў.

Захоўваецца пагроза нанясення ворагам ракетных удараў па аб'ектах крытычнай інфраструктуры ў глыбіні тэрыторыі Украіны.

На Валынскім і Палескім кірунках становішча застаецца без істотных зменаў, прыкметаў фармавання наступальных груповак ворага не выяўлена.

Рэспубліка Беларусь прадаўжае падтрымліваць узброеную агрэсію Расейскай Федэрацыі супраць Украіны, дае сваю тэрыторыю і паветраную прастору для нанясення ракетных і авіяцыйных удараў.

На Северскім кірунку ў памежных раёнах Бранскай і Курскай абласцей падраздзяленні ворага вядуць дэманстрацыйныя і правакацыйныя дзеянні на расейска-ўкраінскай мяжы. Вораг здзейсніў абстрэлы з мінамётаў і ствольнай артылерыі, сярод іншага, у раёнах населеных пунктаў Янжуліўка, Мікалаіўка, Галаганіўка Чарнігаўскай вобласці і Вільна Слабада Сумскай вобласці.

На Слабажанскім кірунку, у памежных раёнах Белгародскай вобласці, праціўнік прадаўжае ўтрымліваць групоўку сваіх войскаў. Учыніў абстрэлы з танкаў, мінамётаў і ствольнай артылерыі раёнаў населеных пунктаў Стрылечча, Глыбокае, Зяленае, Старыца, Агірцэва, Ваўчанск, Бударкі, Амбарнае Харкаўскай вобласці. У раёнах населеных пунктаў Зяленае і Бударкі вораг ужыў ударныя беспілотныя лётныя апараты.

У Купянскім і Ліманскім кірунках вораг вядзе абарону. Здзейсніў абстрэлы з танкаў і ўсяго спектра артылерыі раёнаў населеных пунктаў Арлянскае, Кісліўка, Катлярыўка, Табаіўка, Пішчанае Харкаўскай вобласці і Наваселіўскае, Стальмахіўка, Мясажарыўка, Макііўка, Неўскае Луганскай вобласці, а таксама Ямполіўка, Торскае, Азёрнае Данецкай.

На Бахмуцкім і Аўдзееўскім кірунках вораг прадаўжае засяроджваць асноўныя намаганні на вядзенні наступальных дзеянняў. Здзейсніў абстрэлы з танкаў, мінамётаў, ствольнай і рэактыўнай артылерыі ў раёнах населеных пунктаў Северск, Верхнякаменскае, Спірнае, Берастава, Білагорыўка, Якаўліўка, Бахмуцкае, Салядар, Андрэеўка, Вадзяное, Краснагораўка, Мар'інка, Новаміхайлаўка Данецкай вобласці.

На Навапаўлаўскім кірунку вораг здзейсніў абстрэлы з артылерыі розных тыпаў пазіцый Сілаў абароны Украіны і раёнаў населеных пунктаў Вуглядар, Няскучнае і Прачыстоўка Данецкай вобласці.

У Запарожскім кірунку вораг вядзе абарончыя дзеянні. Учыніў абстрэлы з танкаў, мінамётаў, ствольнай і рэактыўнай артылерыі пазіцый Сілаў абароны Украіны і раёнаў населеных пунктаў Навапіль Данецкай вобласці; Вольгаўскае, Даражнянка, Чарыўнае, Гуляйпільскае, Малая Токмачка, Малыя Шчарбакі Запарожскай вобласці, а таксама Врэмііўка, Чырвонае Херсонскай вобласці. У раёне населеных пунктаў Наваполь і Врэміўка Данецкай вобласці вораг ужыў ударны БПЛА.

У Крыварожскім і Херсонскім кірунках вораг вядзе пазіцыйную абарону. Не спыняе артылерыйскія абстрэлы падраздзяленняў украінскіх войскаў і населеных пунктаў на правым беразе ракі Дняпро, сярод іншага Херсона.

Пацверджаная агнявая параза 27 лістапада раёнаў засяроджвання жывой сілы расейскіх акупантаў у населеных пунктах Палагі, Такмак і Басань Запарожскай вобласці і Лутугіна ў Луганскай вобласці. Страты ворага склалі да 470 чалавек параненымі, знішчаныя блізу 50 адзінак ваеннай тэхнікі розных тыпаў і склад боепрыпасаў.

Авіяцыя Сілаў абароны Украіны цягам гэтага дня нанесла 9 удараў па раёнах групавання асабовага складу, узбраення і ваеннай тэхнікі, пазіцыі зенітна-ракетнага комплексу расейскіх акупантаў.