Эксперт - пра відэа з «п'яным» Пуціным: Ён знаходзіцца пад неймаверным стрэсам
6- 10.12.2022, 18:27
- 29,220
Гаспадар Крамля не кантралюе свае дзеянні.
Нядаўняе з'яўленне расейскага дыктатара Пуціна з келіхам шампанскага віна ў руках сведчыць, што ён знаходзіцца пад неймаверным стрэсам. Пра гэта заявіў вядомы публіцыст і палітолаг Андрэй Пянткоўскі.
- Надоечы ён п'яненькі з'явіўся на публіцы, гэта, дарэчы, упершыню ў ягонай кар'еры. Паказвае, пад якім неймаверным стрэсам ён знаходзіцца..., - заявіў эксперт.
Паводле ягоных слоў, кіраўнік Расеі быў "спрэс п'яны, расцугляны".
- Да таго ж, памятайце, у якім становішчы - гэта ён з келіхам шампанскага віна, рукой у кішэні дзяліўся думкамі аб тым, як знішчаюць інфраструктуру Украіны. Па-мойму, вось нават тыя, так званыя «героі Расеі», якіх сабралі, напэўна, такія ж фальшывыя, як маткі (мабілізаваных – рэдакцыя), яны… глядзелі, як мінімум, са здзіўленнем на яго…, – дадаў палітолаг.
Нагадаем, расейскі дыктатар Уладзімір Пуцін 9 снежня выступіў перад сваімі прапагандыстамі з келіхам шампанскага віна ў руках і расказаў, чаму РФ атакуе энэргетычную структуру Украіны.
У сваю чаргу, расейская журналістка Анна Нямцова адзначыла, што магчымае ап'яненне Пуціна з'яўляецца першым за час ягонага знаходжання ва ўладзе. Паводле ейных слоў, гэта адно з нешматлікіх непастановачных відэа расейскага дыктатара.