У Зяленскага раскрылі жудасныя планы РФ аб акупацыі Украіны
7- 2.12.2022, 9:03
- 20,432
Доказы будзе даследаваць міжнародны трыбунал.
Вайсковае палітычнае кіраўніцтва Расейскай Федэрацыі ў пачатку поўнамаштабнага ўварвання ва Украіну планавала не толькі захоп тэрыторыі і зрынанне ўрада, але і рыхтавала пры інтэрвенцыі масавыя забойствы грамадзян.
Пра гэта паведамляе РБК-Украіна са спасылкай на Twitter дарадцы кіраўніка Офіса прэзідэнта Украіны Міхаіла Падаляка.
Ён удакладніў, што пра гэта сведчыць папярэдні аналіз дакументаў аб пачатку расейскай "спецаперацыі", як у Крамлі называюць шырокамаштабную вайну супраць Украіны.
“Папярэдні аналіз дакументаў “пра пачатак СВА” кажа, што Расея планавала захапіць Цэнтральную Украіну, знішчыць урад, забіць дзясяткі тысяч чалавек (Буча ўсюды), прыбраць сляды і медыйна выдаць гэта за “вызваленне”, - гаворыцца ў публікацыі.
Падаляк дадаў, што пасля перамогі Украіны гэтыя доказы будзе даследаваць міжнародны трыбунал.