Аляксандр Каваленка: УСУ бяруць у аблогу Крамянную з поўначы і поўдня

Расейскія акупанты пакідаюць свае пазіцыі.

Украінскія воіны актывізавалі ваенныя дзеянні ля Крамянной у Луганскай вобласці. Пра гэта ў эфіры агульнанацыянальнага тэлемарафона распавёў кіраўнік Луганскай абласной ваенна-цывільнай адміністрацыі Сяргей Гайдай. Як выглядае становішча расейскіх войскаў ля гэтага горада? Сваю адзнаку сайту Charter97.org даў вайсковы аглядальнік групы «Інфармацыйны супраціў» Аляксандр Каваленка.

— Расейскія акупанты пад Крамянной нясуць дастаткова сур'ёзныя страты, абумоўленыя выкарыстаннем «часткова мабілізаваных», якія абсалютна не падрыхтаваныя да баявых дзеянняў. Яны проста не ведаюць, як сябе паводзіць падчас артылерыйскага абстрэлу, абстрэлу рэактыўнымі набоямі.

Менавіта з гэтай прычыны можна казаць, што вакол Крамянной утварылася наступная сітуацыя: менавіта з поўдня і з поўначы праглядаецца фармаванне аператыўнага атачэння, але пакуль яшчэ на ўзроўні «шэрай зоны».

Расейскія акупацыйныя падраздзяленні пакінулі шэраг пазіцый: 35-я АГМБР (асобная гвардзейская мотастралковая брыгада) не можа ўтрымаць некаторыя пазіцыі, але сваю прысутнасць на поўначы Крамянной захоўвае. Аднак яна знізіла сваю баяздольнасць больш як на 50 адсоткаў праз страты.

Сістэма кампенсацыі страт у расейскага войска на сёння выглядае наступным чынам: калі падраздзяленне губляе амаль 30% свайго складу, то яно ўмоўна губляе сваю баяздольнасць.

Яго неабходна выводзіць у тыл і там аднаўляць, аднак у Расеі сёння катастрафічны дэфіцыт тэхнікі і яна можа кампенсаваць толькі рэсурс асабовага складу. Прычым толькі мабілізаванымі, якія абсалютна непадрыхтаваныя.

Падраздзяленне сёння таксама не выводзіцца ў тыл, яно застаецца ў баявой зоне. Менавіта туды падвозяць «часткова мабілізаваных», якімі кампенсуюць асабовы склад. Калі шэрагі папаўняюцца, камандаванне дае загад на наступ і ўся гэтая жывая маса ідзе наперад, не маючы паўнавартаснай штатнай падтрымкі тэхнікай. Менавіта з гэтай прычыны адбываюцца такія вялізныя страты ў войску РФ.

- Ці змогуць УСУ найбліжэйшым часам узяць Крамянную?

- У кароткатэрміновай перспектыве, не думаю, што УСУ будуць занятыя вызваленнем Крамянной. Задача УСУ ў гэтай лакацыі - стварэнне ўмоў для контрнаступлення. Умовы канчаткова не створаныя. Той факт, што расейскія акупанты нясуць страты і вакол горада пашыраецца «шэрая зона», што стварае перадумовы для аператыўнага атачэння, а пасля - поўнага атачэння, гэта і з'яўляецца стварэнне перадумоў для контрнаступлення. На гэта можа спатрэбіцца працяглы час: ад двух тыдняў - да месяца.

Калі пад Сватавым не пачнуцца нейкія дзеянні контрнаступальнага характару, пад Крамянной яны раней не пачнуцца. Крамянную будуць браць з арыентацыяй на Сватава.

Бо ад поспеху на сватоўскім кірунку залежыць прасоўванне ўкраінскага войска аж да Старабельска, а калі мы гаворым пра Крамянную, то тут ідзе гаворка аб вызваленні Рубежнага, Севераданецка і Лісічанска, дзе важную ролю будзе адыгрываць і вызваленае сяло Белагораўка. Таму ўсё залежыць ад таго, як будуць развівацца падзеі пад Сватавым.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com