Сілы абароны Украіны знішчылі акупантаў-марадзёраў на Данбасе
6- 2.12.2022, 17:51
- 8,628
Разам са злачынцамі знішчаны і камандзір іх падраздзялення.
Украінскія воіны высачылі і ліквідавалі расейскіх захопнікаў, якія абкрадалі жыхароў Данецкай вобласці.
Сілы абароны ў Данецкай вобласці высачылі і ліквідавалі захопнікаў-марадзёраў.
Пра гэта паведамляе Дзяржаўная памежная служба Украіны ў пятніцу, 2 лістапада.
Пагранічнікі-аператары БПЛА выявілі вялікую колькасць варожай пяхоты, адзначылі ў пагранслужбе.
«Захопнікі ў адным з захопленых сёлаў...«палявалі» на свойскую птушку мірных жыхароў. Падстрэліўшы гусь, марадзёры панеслі здабычу ў адзін з дамоў, у якім яны ўладкавалі камандна-назіральны пункт», - гаворыцца ў паведамленні.
Пагранічнікі паведамілі каардынаты аб'екта артылерыстам адной з механізаваных брыгад. У выніку батарэя гармат «Рапіра» нанесла агнявое паражэнне па пазіцыі расейска-акупацыйных войск.
«Артылерыйскім агнём разам з акупантамі-злачынцамі знішчаны і камандзір іх падраздзялення, які акурат прыехаў на пачастунак», - падсумавалі ў ДПСУ.