Байцы УСУ захапілі пад Бахмутам велізарны склад зброі РФ
4- 4.12.2022, 8:56
- 25,754
Расейцы забяспечылі партыю «ленд-ліза», зручна размясціўшы яе побач з лініяй фронту.
3 снежня ўкраінскія вайскоўцы паказалі трафеі, захопленыя ў войска РФ на лініі фронту пад Бахмутам Данецкай вобласці.
Інфармацыя апублікаваная ў афіцыйным Telegram-канале Андрэя Цапліенкі, вайсковага журналіста.
Байцы УСУ паказалі склад розных тыпаў БК, якія сталі «ленд-лізам ад оркаў».
На відэа - украінскі вайсковец з жоўтай адзнакай на рукаве. Мужчына сядзіць на «троне», зробленым са скрыняў з набоямі: ён запэўнівае, што стаў «каралём трафеяў».
Баец цешыцца, што атрымалі шмат БК: аб гэтым сведчаць блізу двух дзясяткаў скрынь, якія кінулі расейцы дзесьці на краі ўкраінскага поля.
Ёсць скрынкі з гранатамі і бранябойнымі набоямі - мужчына ў кадры радасна пастуквае па скрынях.
Насупраць байца - зваленыя ў груду падстаўкі для буйнакалібернага кулямёта ДШВ (кулямёт савецкага часу, але, відавочна, дагэтуль актыўна выкарыстоўваецца);
«Мухі» - супрацьтанкавыя гранаты РПГ-18.
Вайскоўцы радуюцца, што цяпер проста побач з лініяй баёў у іх з'явіўся свой уласны запас БК: яны «зрабілі запас і цяпер не трэба ўсё цягнуць на пазіцыі».