Лявонцьеў раптоўна адмовіўся ад выступаў у Расеі

Упершыню з 1981 года.

Расейскі спявак Валеры Лявонцьеў адмовіўся спяваць на навагодніх забаўляльных праграмах і канцэртах у Расеі, паведамляе «Главред».

Акрамя Лявонцьева на «Песні года» не праспяваюць Сафія Ратару і Валеры Меладзэ - іх папросту не паклікалі.

Справа ў тым, што Лявонцьеў жыве ў ЗША ўжо 30 гадоў, хоць раней і прыязджаў у Расею. Судзячы з усяго, жыццё на дзве краіны для яго скончылася. Знакава, што гэта будзе ўпершыню з 1981 года, калі Лявонцьеў не выступіць на «Песні года».

У апошнія некалькі месяцаў журналісты не раз цікавіліся ў дырэктара Лявонцьева ягонымі планамі і графікам выступаў. Аднак адказ быў заўсёды адзін.