Палкоўнік УСУ: Крым стане аператыўным катлом для расейскага войска

Аблога варожай групоўкі будзе адбывацца ў дакладнай паслядоўнасці.

Часова акупаваны Крым можа стаць для расейскіх захопнікаў аператыўным катлом. Для гэтага неабходна перарэзаць наземны калідор на паўвостраў і цалкам знішчыць Крымскі мост.

Выкананне гэтых дзвюх умоў паставіць акупантаў у крытычнае становішча. Пра гэта ў эфіры «24 канала» распавёў вайсковы экспэрт, палкоўнік запасу, лётчык-інструктар Раман Світан.

З ягоных слоў, пры знішчэнні моста і адразанні Крыма ад наземнага калідора расейскія войскі будуць без падмацавання. Світан адзначыў, што прыблізна праз тыдзень-паўтара пасля таго, як у расейцаў скончацца боепрыпасы, можна будзе пачынаць вызваляць паўвостраў.

«Працэсы будуць праходзіць у такой паслядоўнасці. Выхад на Азоўскае мора ў кожным пункце, скрыжаванне наземнага калідора. З кожнага пункта да Крымскага моста дзесьці 150 кіламетраў. Дапусцім з таго ж Бярдзянска. Тады Крымскі мост можна знішчыць тымі ж «Гарпунамі» або «Нептунамі», - заявіў экспэрт.

Світан дадаў, што пасля гэтага для расейцаў рушыць услед крымска-херсонскі кацёл, а запарожская групоўка акупантаў будзе вымушаная ўцякаць на паўвостраў. Там яны будуць спрабаваць эвакуявацца з дапамогай Чарнаморскага флоту.

Нагадаем, былы камандуючы Наземнымі войскамі ЗША ў Еўропе, вайсковы экспэрт генерал Бэн Ходжэс адзначыў, што вызваленне правага берага Херсоншчыны ад расейскіх акупантаў адкрыла новыя стратэгічныя магчымасці для Украіны. Напрыклад, гэта дае магчымасць нанесці разбуральныя ўдары па лагістычнай сістэме ворага.