Лукашэнку паслалі з Крамля вельмі жорсткія сігналы

Для дыктатара фармуюць свайго кшталту відэлец.

Роўна праз тыдзень пасля забойства міністра замежных спраў Беларусі Макея ў Менск прыехаў буйнакаліберны расейскі візіцёр. Прыезд Шайгу і ягоная сустрэча з міністрам абароны РБ Хрэніным, а таксама прыём у Лукашэнкі ацэньваецца як малапрыемная для беларускага боку падзея. Масква, відавочна, разыгрывае карту ўзмацнення ціску на адзінага ўдзельніка «саюзнай дзяржавы», каб выціснуць дадатковыя вайсковыя саступкі дзеля выратавання сітуацыі са «спецаперацыяй».

У Крамлі фармуюць для Лукашэнкі свайго кшталту відэлец. Дыктатара са здароўем, якое пахіснулася, запалохваюць лавай падсудных на міжнародным трыбунале побач з Пуціным у выпадку паразы ў «неабвешчанай Захадам вайне».

Таму з Крамля даслалі вельмі жорсткія сігналы. Па-першае ліквідавалі правадніка «шматвектарнасці» Макея. Відавочны намёк Лукашэнку, што яго самога ўзялі за жабры. Цырымоніцца з яго заменай не будуць, у выпадку крайняй патрэбы ліквідацыя пройдзе ў працоўным парадку. Такія радыкальныя спосабы выклікання паказваюць на татальнае паслабленне пазіцыі Пуціна ў плане кіравання Лукашэнкам. Таму пастанавілі даціскаць да сітуацыі поўнага ўдзелу беларускага войска ў вайне. Паколькі баевікі і мобікі «ЛДНР» з так званых «саюзных сіл» выбітыяна 102%, то трэба ўзніклую дзірку затыкаць новым гарматным мясам. Фактычна Шайгу прывёз ультыматыўныя патрабаванні з выразнай разнарадкай з Крамля.

З публічнай часткі стасункаў Лукашэнкі і пуцінскага міністра вынікае непасрэдны ўдзел войска РБ у агрэсіўных дзеяннях Расеі. Адбываецца працэс баявога зладжвання падраздзяленняў дзвюх краін у рамках адзінай групоўкі «саюзнай дзяржавы». Афіцэры беларускага войска рыхтуюць расейскіх мобікаў для адлюстравання ўсякай «агрэсіі». Калі раней расейскіх акупантаў лячылі ў мясцовых шпіталях, а таксама падалі тэрыторыю Беларусі, як плацдарм для агрэсіі, то цяпер гаворка ідзе ўжо пра магчымы наўпроставы ўдзел ВС РБ у тэатры баявых дзеянняў. Для краіны ўдзел у вайсковых злачынствах Крамля будзе мець самыя цяжкія наступствы, пра якія нават сам Лукашэнка не можа падумаць.

І да варажбіткі не хадзі, але гібель нешматлікага беларускага войска прывядзе да безумоўнага краху дзяржаўнасці і паглынання тэрыторый паўночным суседам. Увесь лукашэнкаўскі праект пойдзе крахам. Нельга выключаць, што Масква хоча вывесці сябе з-пад удару шляхам спальвання беларускага «хаўрусніка», як гэта ўжо адбылося з «ДНР» і «ЛНР». Як паказвае трагедыя знішчэння Марыупаля, для расейскіх галаварэзаў учыніць разрабаванне заможнага Менска пад выглядам абароны ад «уварвання» NATO з'яўляецца прывабнай перспектывай. Выпаленыя бязлюдныя пусткі Беларусі для Масквы не праблема. Наадварот, такія тэрыторыі малапрывабныя для каго-небудзь, а РФ даюць дадатковую стратэгічную глыбіню. Тым больш перамяшчэнне 9 млн беларусаў у Сібір і на Далёкі Усход - прыемны бонус.

Толькі сляпыя могуць не бачыць страшных задум дылераў смяротнага «расейскага свету». Шайгу як разносчык гэтай заразы ўжо нясе адказнасць за магілізацыю 90 тысяч расейскіх вайскоўцаў. Але ў яго задача абнавіць антырэкорд.

Наогул, для Лукашэнкі гутарка з расейскім лузерам з МА вельмі дрэнны знак. Падпісаны з Хрэніным пратакол дае Расеі магчымасць зноў выкарыстоўваць Беларусь як плацдарм, але ўжо з мясам. Толькі калі ў 2022 годзе размова ішла аб удары па Кіеве, то цяпер функцыянал пашыраецца да Літвы і Польшчы. Пакуль гаворка ідзе толькі пра «дэманстрацыю сілы», але ГРУ – вядомыя майстры правакацый, здольныя сфабрыкаваць нагоду для ўцягвання Беларусі ў вялікую вайну. А калі Лукашэнку проста неўтралізуюць разам з усёй ягонай сям'ёй. Для Пуціна ўсе яны даўно адпрацаваны матэрыял.

Тэлеграм-канал «Сіта Сакрата»