8 лютага 2023, Серада, 14:33
Сім сім, Хартыя 97!
Рубрыкі

У Беларусі расейцу не прадалі новы аўтамабіль Geely, калі той паказаў свой пашпарт

14
У Беларусі расейцу не прадалі новы аўтамабіль Geely, калі той паказаў свой пашпарт

І прапанавалі "адзінае выйсце".

Журналіст расейскага партала Autonews.ru надумаў купіць Geely Coolray або Atlas Pro у Менску - там у дылерскім цэнтры кошт красовера значна ніжэйшы за маскоўскі. Але мэнэджар адмовіўся афармляць аўто, калі пакупнік паказаў расейскі пашпарт, гаворыцца на сайце.

Са слоў аўтара, у салоне не сталі тлумачыць, з чым звязана адмова, але прапанавалі “адзінае выйсце” - знайсці чалавека з беларускім пашпартам, які пагодзіцца аформіць аўто на сябе. Прычыны гэтага прадавец назваць не змог.

У іншым дылерскім цэнтры Geely праз тэлефон папярэдзілі, што гатовыя прадаць аўто расейцу, але на месцы трэба асабіста развязаць пытанне з афармленнем . Рэсурс не змог атрымаць каментар у афіцыйнага прадстаўніка кітайскай кампаніі ў Расеі.

Журналіст адзначыў, што паспрабаваў купіць у Беларусі аўто марак Lada, Renault і Kia, і з імі такіх пытанняў не ўзнікла. Хаця ў 2021-м супрацоўнікі медыя сутыкаліся з такой праблемай, калі спрабавалі купіць аўто ў гэтых дылераў, а таксама Volkswagen. У Федэральнай антыманапольнай службе (ФАС) тады не адрэагавалі на зварот наконт гэтай сітуацыі.

Беларускія юрысты патлумачылі, што ў законе "Аб абароне правоў спажыўцоў" абмежаванняў для пакупнікоў ні для якіх тавараў няма. Тады выданне спытала, з чым гэта можа быць звязана, прадпрымальніка Руслана Крываноса, які займаецца пакупкай і перагонам аўто з Беларусі. Ён выказаў здагадку, што так дылеры імкнуцца захоўваць рэгіён рэалізацыі тавараў - "не перабіваць" попыт у Расеі, таму не прадаюць у нашай краіне аўто расейцам.

Autonews.ru накіраваў яшчэ адзін запыт у ФАС.

Нагадаем, у жніўні 2022 года афіцыйны дыстрыб'ютар Geely забараніў расейскім кампаніям абслугоўваць паводле гарантыі аўто, набытыя на тэрыторыі Беларусі. Гэта значыць варыянт усё ж знайсці памагатага ў нашай краіне і купіць аўто на яго не пазбавіць ахвочых зэканоміць расейцаў ад усіх праблем.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».