8 лютага 2023, Серада, 14:23
Сім сім, Хартыя 97!
Рубрыкі

Чыноўнікі не адмовіліся ад планаў абкласці новым падаткам «дармаедаў»

9
Чыноўнікі не адмовіліся ад планаў абкласці новым падаткам «дармаедаў»

Таксама лукашысты хочуць павысіць консульскі збор за шмат якія паслугі.

У апублікаваным праекце змен у Падатковы кодэкс па-ранейшаму змяшчаюцца планы ўводу новага падатку для «дармаедаў», а таксама павышэнню консульскага збору за шмат якія паслугі. Даўней мы пісалі пра гэтыя магчымыя навацыі, аднак цяпер, пасля афіцыйнага апублікавання гэтых планаў, павысілася імавернасць іх увядзення. Спачатку іх маюць у двух чытаннях зацвердзіць дэпутаты палаты, затым - савет рэспублікі, пасля чаго дакумент аддадуць на подпіс Аляксандру Лукашэнку, піша «Зеркало».

Які падатак хочуць увесці для «дармаедаў»

Чыноўнікі прыдумалі чарговыя змены для «дармаедаў», гэтым разам - падатковыя. Так, падаткавікі хочуць па-новаму правяраць даходы і выдаткі працаздольнага насельніцтва, якое не занятае ў эканоміцы.

Падаткавікі хочуць па-новаму праводзіць камеральныя праверкі адпаведнасці выдаткаў даходам фізічных асоб, якія як мінімум пяць гадоў бесперапынна лічацца незанятымі ў эканоміцы, а таксама ўключаныя ў базу «дармаедаў». Прасцей кажучы, гаворка пра тых, хто паводле звестак чыноўнікаў афіцыйна не працаваў больш за пяць гадоў і не ўдзельнічаў у фінансаванні выдаткаў дзяржавы. Менавіта для гэтых людзей хочуць увесці змены, якія датычыцца правяранню на адпаведнасць даходаў і выдаткаў.

Для такіх «дармаедаў» чыноўнікі хочуць пры правяранні іхніх даходаў і выдаткаў не ўключаць у грашовыя паступленні падораныя сродкі, атрыманыя пазыкі, а таксама перададзеныя на захоўванне грошы.

Вынятак плануюць зрабіць для такіх даходаў, якія былі атрыманы ад сваякоў, у тым ліку бацькоў, дзяцей, мужа і жонкі, родных братоў і сясцёр, баб і дзядоў. Але такія даходы не маюць быць звязаныя з прадпрымальніцкай дзейнасцю. Але і тут жадаюць прапісаць абмежаванне. Агульная сума такіх грашовых паступленняў ад сваякоў не мае перавышаць 100 базавых адзінак (на сёння гэта 3200 рублёў) на працягу года, у адваротным выпадку давядзецца заплаціць падатак 10%. Гэты збор будуць браць з сумы перавышэння.

Заплаціць падатак трэба будзе на працягу 30 дзён пасля атрымання паведамлення.

З праекту змен у Падатковы кодэкс застаецца незразумелым, ці будуць вяртаць выплачаны падатак пры вртанні грошай сваякам. Калі так, то тут у падаткавікоў можа ўзнікнуць новае пытанне - адкуль з'явіліся грошы на вяртанне.

Як плануюць павысіць консульскі збор

Напрыклад, стаўку за разгляд заявы аб выхадзе з грамадзянства Беларусі хочуць падняць да 400 еўраў (цяпер — 250 еўраў).

За выдачу або абмен пашпарта беларусу, які стала жыве за мяжой, цяпер трэба заплаціць 40 еўраў, калі звяртацца ў нашы дыпламатычныя прадстаўніцтвы або консульствы за мяжой. Чыноўнікі мерацца ўзняць гэтую таксу да 50 еўраў. Калі гаворка пра абмен пашпарта жыхару Беларусі праз дыпламатычнае прадстаўніцтва, то стаўку хочуць пакінуць на ранейшым узроўні — 100 еўраў. Гаворка пра тых, відаць, хто жыве за мяжой без сталага месца, а, да прыкладу, паводле нацыянальнай візы.

Плату за рэгістрацыю шлюбу, у тым ліку выдачу пасведчання, плануюць узняць да 100 еўраў, а скасавання - 200 еўраў. Цяпер - па 50 еўраў.

Чыноўнікі таксама хочуць прыкметна падняць стаўку за рэгістрацыю змены прозвішча, уласнага імя, у тым ліку выдачу пасведчання - да 200 еўраў. Цяпер - 70 еўраў.

За апастыль на афіцыйным дакуменце ў дыпламатычных прадстаўніцтвах і консульствах хочуць спаганяць 50 еўраў замест сёлетніх 35.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».