УСУ затрафеілі найноўшы расейскі танк Т-90М
4- 5.12.2022, 12:29
- 6,380
«Прарыў» удалося захапіць падчас наступальнай аперацыі.
Украінскія вайскоўцы падчас наступальных аперацый захапілі найноўшы расейскі танк Т-90М «Прарыў». Пра гэта паведамляе Управа стратэгічных камунікацый Узброеных сіл Украіны.
«Т-90М «Прарыў» гэта ледзь не адзінае, што ёсць у расейцаў найноўшае. Але яны як не ўмелі, так і не ўмеюць усім гэтым карыстацца, таму ахвотна пастаўляюць такую патрэбную зброю для УСУ. Цяпер гэты танк будзе ахвотна знішчаць іх», - адзначылі ў «СтратКоме».
Адзначым, што танкі Т-90 былі створаны ў пачатку 1990-х гадоў. Аднак яго мадэрнізацыя Т-90М упершыню была прадстаўленая публіцы на расейскім вайсковым форуме ў 2018 годзе.
Прарывы ўзброеныя гладкаствольнай 125-мм гарматай 2А46М практычна той жа прыладай, што ўсталяваная ў Т-80. Таксама танк можа ўжываць супрацьтанкавыя кіраваныя ракеты «Рэфлекс» з лазерным навядзеннем.
Што да абароны, то «Прарыў» абсталяваны трохузроўневай сістэмай абароны. Акрамя таго, Т-90 абсталяванне сродкамі ядзернай, біялагічнай, хімічнай абаронай і аўтаматычнай сістэмай пажаратушэння.