Расейскія «мобікі» зняпраўдзілі прапаганду Крамля
8- 5.12.2022, 17:40
- 16,938
Вайскоўцы РФ заклікалі сваякоў не верыць тэлевізару.
Мабілізаваныя расейцы паскардзіліся родным, што ім не выдаюць зімовае абмундзіраванне і ў акопах на фронце даводзіцца фактычна выжываць. Акрамя таго, усе поспехі, пра якія гавораць на тэлевізіі, не адпавядаюць рэчаіснасці.
Аб гэтым піша «Інфармацыйны супраціў», спасылаючыся на перахоп размоваў «мобікаў» з сем'ямі. «Выдалі летнюю форму, а на вуліцы ўжо снежань» - паскардзіўся адзін ваяка.
Мабілізаваныя, якія знаходзяцца на ўсходнім фронце, расказалі, што галоўнай умовай выжывання ў акопах з'яўляецца наяўнасць печкі. І тым, каму пашанцавала яе дастаць, усе вельмі зайздросцяць. Але існуе яшчэ адна важная праблема - дровы, бо вакол пазіцый даўно высечаныя ўсе пасадкі, а ў стэпе вельмі складана знайсці дровы.
Усё часцей «мобікі» зняпраўджваюць апавяданні родных, якія тыя пачулі на тэлевізіі. Так, на пытанне сваяка, ці праўда акупанты захапілі Бахмут на Данеччыне, адзін з акупантаў сказаў, што «гэта трызненне».