У Беларусі хочуць увесці змены ў транспартным падатку
13- 5.12.2022, 19:19
- 25,464
Што можа змяніцца?
У Беларусі ў 2023 годзе могуць увесці новаўвядзенні ў транспартным падатку. Гэта прадугледжана праектам зменаў у Падатковы кодэкс.
Адна з магчымых навінаў – пашырэнне спісу транспарту, за які не трэба выплачваць збор. У яго лік хочуць уключыць транспарт, звернуты ў прыбытак дзяржавы пастановай кампетэнтнага органа. А яшчэ – спецыяльна абсталяваныя для выкарыстання інвалідамі транспартныя сродкі (пры гэтым у пасведчанні аб рэгістрацыі павінен быць адпаведны запіс пра гэта).
Яшчэ адна патэнцыйная змена – карэктаванні ў ільготах для ветэранаў ВАВ, ветэранаў баявых дзеянняў на тэрыторыі іншых дзяржаваў, інвалідаў 1-й і 2-й групы, а таксама пенсіянераў і шматдзетных сем'яў. Цяпер яны выплачваюць 50% транспартнага падатку. Галоўная ўмова – наяўнасць сапраўднага пасведчання кіроўцы адпаведнай катэгорыі. Чыноўнікі хочуць прапісаць, што гэтыя катэгорыі льготнікаў могуць яшчэ атрымаць зніжку 50% на прычэп (ці паўпрычэп), а таксама транспартныя сродкі, датычна якіх няма інфармацыі пра іх тып. Умова – наяўнасць сапраўднага пасведчання кіроўцы любой катэгорыі. Такое ж паслабленне маюць намер увесці і для інвалідаў 3-й групы, якія цяпер аплачваюць 75% падатку (пры гэтым памер збору на зменіцца).
Чыноўнікі хочуць таксама прапісаць дэталі ў аплаце падатку за некаторы транспарт, які быў узяты ў арэнду або лізінг, а потым – выкуплены ў старога ўладальніка, але да гэтага часу не зарэгістраваны ў ДАІ.
Змяненні маюць намер унесці ва ўключэнні транспартнага падатку ў затраты на вытворчасці і пры рэалізацыі тавараў (працаў, паслуг), маёмасных правоў. Больш падрабязна прачытаць пра апошнія дзве магчымыя навіны можна праз спасылку (пункты 160 і 161).