УСУ ліквідавалі шматдзетнага камуніста з Новасібірскай вобласці
20- 5.12.2022, 19:24
- 13,488
Акупант знаходзіўся ў званні гвардыі падпалкоўніка.
Чалец партыі КПРФ з Новасібірскага раёна, гвардыі падпалкоўнік Яўген Ласкутоў ліквідаваны ва Украіне. Пра ягоную гібель паведамляе сайт КПРФ.
– У 2002 годзе скончыў Новасібірскую вышэйшую ваенную камандную вучэльню, служыў у 11-й асобнай гвардзейскай дэсантна-штурмавой брыгадзе, прайшоў шлях ад камандзіра парашутна-дэсантнага ўзвода да кіраўніка выведкі брыгады. Тройчы ўдзельнічаў у камандзіроўках на Паўночным Каўказе, выконваў баявыя заданні ў Сірыі, узнагароджаны медалём ордэна «За заслугі перад Айчынай» з мячамі, іншымі знакамі адрознення, – гаворыцца ў паведамленні партыі.
Акупанту на момант гібелі было 37 гадоў. Ён быў у першаснай арганізацыі «Мачышчанская» Новасібірскага мясцовага аддзялення КПРФ.
У Ласкутова засталіся жонка і чацвёра дзяцей.