«Масква пад пагрозай»: як расейскія вайсковыя карэспандэнты рэагуюць на паспяховыя ўдары дронаў УСУ

Цяпер расейцам усюды здаюцца ўкраінскія ДРГ.

Гнеў праз няздольнасць войскаў РФ прадухіліць кантрудары па стратэгічных авіябазах «Энгельс-2» і «Дзягілева» на адлегласці звыш 280 міль ад Украіны пераважыў папярэднія расхвальванні за апошні раунд удараў супраць Украіны. Інстытут вывучэння вайны даследаваў настроі сярод расейскіх вайсковых аглядальнікаў:

«Некалькі вядомых расейскіх вайсковых аглядальнікаў сцвярджалі, што ўкраінскія дыверсійна-выведвальныя групы, імаверна, нанеслі ўдар па авіябазе «Энгельс-2» з тэрыторыі Расеі, сцвярджаючы, што ўкраінскія дыверсійна-выведвальныя групы дзейнічаюць або ўнутры Расеі, або (калі БПЛА былі запушчаныя Украінай), што Масква знаходзіцца пад пагрозай з тэрыторыі Украіны», - гаворыцца ў паведамленні структуры.

У той жа час расейскія military-блогеры заклікалі вайсковае кіраўніцтва санкцыянаваць значныя ўдары ў адказ супраць Украіны і ўзмацніць контртэрарыстычныя захады на тэрыторыі Расеі. А яшчэ - скардзіліся, што чыноўнікі не разглядаюць іх прапановы і ігнаруюць звесткі выведкі з адкрытых крыніц (OSINT), і што, калі б верхавіна ўлічыла агаворку, два ўдары па расейскіх базах, імаверна, удалося б прадухіліць.

Некаторыя з гэтай супольнасці, нягледзячы на крытыку Крамля, які абслугоўвае прапагандысцкія інтарэсы РФ у інфармацыйным полі, выказалі здагадку, што ўдары па «Энгельсу-2» і «Дзягілеву» пагражаюць легітымнасці Расеі як ядзернай дзяржавы, бо ўдары пашкодзілі самалёты, здольныя несці некалькі ядзерных боепрыпасаў.