«Дапамагаў спецназ»: NYT распавяла падрабязнасці дзёрзкага нападу дронаў на аэрадромы ў РФ
29- 6.12.2022, 14:25
- 44,848
УСУ гатовыя атакаваць цэлі ў глыбіні Расеі.
Беспілотнікі, якімі атакавалі расейскія вайсковыя аэрадромы Дзягілева ў Разанскай вобласці і Энгельс у Саратаўскай вобласці, былі запушчаныя з тэрыторыі Украіны, паведамляе выданне The New York Times.
Выданне са спасылкай на міністэрства абароны Расеі і высокапастаўленага ўкраінскага чыноўніка адзначае, што 5 снежня Украіна «ажыццявіла сваю самую дзёрзкую атаку на расейскую тэрыторыю за дзевяць месяцаў вайны».
Паводле інфармацыі газеты, прынамсі, адзін з удараў быў нанесены з дапамогай украінскага спецназа, які знаходзіўся непадалёк ад базы і дапамагаў накіраваць беспілотнікі да цэлі.
Удары сведчаць аб гатоўнасці Украіны атакаваць базы ў глыбіні тэрыторыі РФ, а таксама ўпершыню за дзевяць месяцаў вайны прадэманстравалі здольнасць краіны наносіць удары на такіх вялікіх адлегласцях, піша выданне.
Раніцай у панядзелак, 5 снежня, невядомы лятальны апарат упаў на ўзлётна-пасадачнай паласе аэрадрома Энгельс-1 у Саратаўскай вобласці.