Лукашэнка зганяе ўцекачоў да межаў Украіны
18- 6.12.2022, 16:40
- 30,590
Аналагічная тактыка выкарыстоўваецца на мяжы з ЕЗ.
Аляксандр Лукашэнка наўмысна накіроўвае ўцекачоў з Ірана і Пакістана да мяжы з Украінай. Беларускі рэжым шукае слабыя месцы ў ахоўных збудаваннях для прарыву ДРГ.
Пра гэта паведамляе Цэнтр нацыянальнага супраціву Украіны.
«Такім чынам, беларусы правяраюць уразлівыя і недастаткова абароненыя адцінкі мяжы з Украінай, якія могуць выкарыстоўвацца для праходу варожых ДРГ», - гаворыцца ў паведамленні.
Са звестак Цэнтра, аналагічную тактыку вораг выкарыстоўвае на мяжы з Латвіяй.
Аднак, як адзначаецца, зараз на паўночнай мяжы прымаюцца меры забеспячэння абароны. Захоўваюць пільнасць і чальцы беларускага падполля, якія дапамагаюць весці назіранне за перамяшчэннем варожых войскаў.