Белгародская вобласць РФ асцерагаецца наступу УСУ

У Белгародскай вобласці пастанавілі стварыць тэраабарону.

У Белгародскай вобласці Расеі ўлады пастанавілі прыступіць да стварэння тэрытарыяльнай абароны «для аховы». Пра гэта паведамляе губернатар вобласці Вячаслаў Гладкоў у Telegram 6 снежня.

«Фармуем некалькі батальёнаў тых, хто паводле стану здароўя або ў рамках узросту не можа быць мабілізаваны ўзброенымі сіламі, але мае баявы досвед і вялікае жаданне ў выпадку неабходнасці ўстаць на ахову свайго роднага дому і сваёй сям'і», – напісаў ён.

Гладкоў заявіў, што жыхары вобласці з самага пачатку вайны ва Украіне звярталіся да ўладаў з просьбай распачаць падрыхтоўку да абароны.