Вечаровая зводка Генштаба УСУ

Авіяцыя УСУ атакавала пазіцыі варожага ЗРК, а на Данбасе знайшлі дэзерціраў РФ.

Украінскія вайскоўцы атакавалі пазіцыі варожага ЗРК. А ў Данецкай вобласці здолелі выявіць факт масавага дэзерцірства расейскіх акупантаў.

Пра гэта паведамляе Генеральны штаб УСУ.

Расейскія акупанты прадаўжаюць весці поўнамаштабную ўзброеную агрэсію супраць украінскай дзяржавы, не перастаюць наносіць удары па аб'ектах цывільнай інфраструктуры. На Ліманскім, Бахмуцкім і Аўдзееўскім кірунках вораг засяроджвае намаганні на вядзенні наступу. У іншых кірунках спрабуе ўтрымаць часова захопленыя тэрыторыі, засяроджвае намаганні на стрымліванні дзеянняў падраздзяленняў Сілаў абароны Украіны, ажыццяўляе інжынернае абсталяванне абаронных рубяжоў і пазіцый, вядзе выведку.

Вораг не перастае наносіць удары, а таксама рабіць абстрэлы населеных пунктаў і пазіцый украінскіх войскаў уздоўж лініі сутыкнення. За дзень нанёс 4 ракетныя ўдары, учыніў да 10 абстрэлаў з рэактыўных сістэмаў залпавага агню.

Прадаўжае наносіць удары па крытычнай інфраструктуры і жыллі цывільнага насельніцтва, парушаючы нормы Міжнароднага гуманітарнага права, законы і звычаі вядзення вайны.

За суткі ад ракетных удараў ворага пацярпела цывільная інфраструктура населенага пункта Сцяпное Запарожскай вобласці. Пагроза ракетных удараў па аб'ектах энэргетычнай сістэмы і крытычнай інфраструктуры на ўсёй тэрыторыі Украіны захоўваецца надалей.

На Валынскім і Палескім кірунках становішча застаецца без істотных зменаў, прыкметаў фармавання наступальных груповак ворага не выяўлена. На палігонах Рэспублікі Беларусь ідзе падрыхтоўка падраздзяленняў ворага. Рэспубліка Беларусь прадаўжае падтрымліваць узброеную агрэсію Расейскай Федэрацыі супраць Украіны, падаючы тэрыторыю і паветраную прастору для нанясення ракетных і авіяцыйных удараў.

На Северскім кірунку вораг учыніў мінамётныя абстрэлы населеных пунктаў Запсілля і Міраполля Сумскай вобласці.

На Слабажанскім кірунку расейскія акупанты прадаўжаюць утрымліваць свае войскі ў памежных раёнах Белгародскай вобласці. Абстрэлы з танкаў, мінамётаў, ствольнай артылерыі зазналі раёны населеных пунктаў Стралечча, Тэрнова, Старыца, Ваўчанскія Хутары, Чугуніўка Харкаўскай вобласці.

На Купянскім кірунку праціўнік вядзе абарончыя дзеянні на захопленых рубяжах. Учыніў абстрэлы з танкаў і ўсяго спектру артылерыі раёнаў населеных пунктаў Дварычная, Катлярыўка, Табаіўка, Пішчанае, Берастава Харкаўскай вобласці; а таксама Наваселіўскае і Стальмахіўка Луганскай вобласці.

На Ліманскім кірунку вораг здзейсніў абстрэлы з танкаў, мінамётаў, ствольнай і рэактыўнай артылерыі раёнаў населеных пунктаў Макііўка, Плашчанка і Неўскае Луганскай вобласці; Тэрны і Ліман Данецкай вобласці.

На Бахмуцкім і Аўдзееўскім кірунках вораг засяроджвае асноўныя намаганні на вядзенні наступальных дзеянняў. Абстрэлы з танкаў і артылерыі розных тыпаў зазналі больш як 20 населеных пунктаў, у тым ліку Верхнякамянскае, Спірнае, Салядар, Бахмуцкае, Бахмут, Клішчыіўка, Белая Гара, Дружба, Залізнае, Аўдзііўка, Вадзяное, Первамайскае, Невельскае, Краснагорыўка, Мар’інка, Новаміхайліўка Данецкай вобласці.

На Навапаўлаўскім кірунку вораг вядзе абарону. Учыніў артылерыйскія і мінамётныя абстрэлы раёнаў населеных пунктаў Вуглядар, Богаяўленка, Прачыстаўка і Залатая Ніва Данецкай вобласці.

На Запарожскім кірунку вораг спрабуе палепшыць тактычнае становішча. Учыніў абстрэлы з танкаў, мінамётаў і артылерыі раёнаў больш як 10 населеных пунктаў, сярод іншых Врэміўка, Наваполь Данецкай вобласці; Даражнянка, Гуляйполе, Залізнычнае, Стэпавае і Плаўні Запарожскай вобласці;

На Херсонскім кірунку вораг вядзе абарончыя дзеянні, праводзіць узмацненне групоўкі войскаў. Учыніў артылерыйскія абстрэлы раёнаў населеных пунктаў, якія мяжуюць з лініяй сутыкнення, сярод іншых Асакораўка, Залатая Балка, Дудчаны, Білагрудава Херсонскай вобласці і горада Херсон.

Вораг нясе страты, таму 4 снежня ў Запарожскай вобласці ў выніку агнявой паразы было знішчана да 20 адзінак ваеннай тэхнікі праціўніка рознага тыпу, блізу 70 акупантаў атрымалі раненні.

30 лістапада ў раёне Верхнетарэцкага Данецкай вобласці выяўлены факт дэзерцірства вайскоўцаў расейскіх акупацыйных войскаў са зброяй са сваіх баявых пазіцый. Сярод іх 13 з 21 – гэта завербаваныя з месцаў пазбаўлення волі асобы. Камандаванне расейскіх акупацыйных войскаў загадала затрымаць і ліквідаваць парушальнікаў. На стан 5 снежня – усе дэзерціры знішчаныя.

Авіяцыя Сілаў абароны Украіны цягам дня нанесла 14 удараў па раёнах засяроджвання асабовага складу, узбраення і ваеннай тэхнікі, а таксама 2 удары па пазіцыях зенітна-ракетных комплексаў ворага. Падраздзяленні ракетных войскаў і артылерыі сілаў абароны Украіны за дзень паразілі пункт кіравання, 2 раёны засяроджвання асабовага складу і склад боепрыпасаў ворага.