Расейскія вайскоўцы патрапілі ў маштабнае ДТЗ на Данбасе: 16 чалавек загінулі

Грузавік і мікрааўтобус сутыкнуліся ў Шахцёрскім раёне Данецкай вобласці.

На трасе паміж акупаванымі Шахцёрскам і Тарэзам на Данбасе адбылося ДТЗ з удзелам расейскіх вайскоўцаў. У выніку 16 з іх загінулі, а трое пацярпелі.

Пра гэта паведамляе РБК-Украіна са спасылкай на расейскія СМІ.

З інфармацыі акупантаў, грузавік і мікрааўтобус сутыкнуліся ў Шахцёрскім раёне Данецкай вобласці.

«Грузавік з вайскоўцамі і мікрааўтобус сутыкнуліся ў «ДНР», загінулі 16 чалавек, яшчэ трое пацярпелі... Трое пацярпелых знаходзяцца ў рэанімацыі ў цяжкім стане», - пішуць прапагандысцкія СМІ, спасылаючыся на звесткі так званых «экстранных службаў».