Украінскі спецназ падарваў авіябазу войска РФ у Бердзянску
4- 8.12.2022, 8:11
- 41,828
Прагрымела тры дзясяткі выбухаў.
7 снежня адбылося надзвычайнае здарэнне ў акупаваным Бярдзянску ў Запарожскай вобласці: пачаўся маштабны пажар пасля некалькіх магутных выбухаў.
Інфармацыя апублікаваная ў Telegram-канале "РІА Мелітопаль".
Сцвярджаецца, што загарэлася на аэрадроме, размешчаным на ўскрайку Бярдзянска. Выбухі раздаваліся двойчы: спачатку 3 магутныя выбухі, затым - 15-20 - больш слабыя.
Аперацыю правялі дзякуючы намаганням разведчыкаў ССА УСУ. Разведчыкі 5 дзён сачылі за аэрадромам і знайшлі на ім значную колькасць вайсковай тэхнікі.
На месцы выбухаў палае настолькі магутна, што на месца надзвычайнага здарэння рушылі ўсе пажарныя машыны Бердзянска, сцвярджаюць аўтары паведамлення. Туды ж прыбылі машыны хуткай дапамогі: здаецца, ёсць параненыя і, спадзяемся, загінулыя войска РФ.
Тым часам акупанты акружылі тэрыторыю аэрадрома і страляюць у неба з зенітак.
Адзначым, ад Бярдзянска на бліжэйшых пазіцыях УСУ - блізу 100 км.