Пуцін «сячэ хвост», капітулюючы перад Украінай

Пасля здачы ЗАЭС будзе адступленне на мяжу 24 лютага.

У Маскву з нечаканым візітам прыбыла дэлегацыя МАГАТЭ, што звязваюць з закуліснай угодай аб вывадзе расейскіх войскаў з Запарожскай АЭС. Крэмль ідзе на чарговую саступку ў няўдалай вайне. І ёсць падставы меркаваць, што працягне гэта рабіць і надалей.

Пра гэта ў сваім блогу ў Telegram піша расейскі вайсковец і палітычны аглядальнік Анатоль Несміян (Эль Мюрыд).

Крэмль так настойліва зняпраўджвае вывад сваіх акупацыйных войскаў з ЗАЭС, што становіцца відавочным: гэты сцэнар актыўна абмяркоўваецца. І візіт у РФ дэлегацыі МАГАТЭ - таму пацвярджэнне.

Верагодна, у найбліжэйшай будучыні акупацыйнае войска РФ прадэманструе «крок добрай волі» і чарговую «перагрупоўку» яшчэ і ў Запарожскай вобласці.

Агулам, Крэмль рэалізуе вялікі план капітуляцыі, упэўнены Мюрыд. «Цяпер Крэмль развязвае задачу «адсякаць хвост цалкам ці па частках». Наважылі секчы часткамі, каб пуцінскі электарат не быў моцна шакаваны, а звыкаў да паступовага адыходу на пазіцыі 24 лютага… Тэндэнцыя на твар», - распавёў расейскі блогер.

Апошняя мяжа, за якую Крэмль будзе адчайна трымацца, - гэта наземны калідор у анэксаваны Крым. Рэч у тым, што яго страта ў будучыні прывядзе да страты і самой паўвыспы. Выйшаўшы да Азоўскага мора, УСУ змогуць разбурыць Крымскі мост, цалкам адрэзаўшы забеспячэнне акупацыйнай групоўкі, Крым давядзецца вярнуць законнаму ўладальніку.