600 мабілізаваных з Цюмені ўзнялі новы бунт супраць камандавання
42- 8.12.2022, 14:02
- 72,096
Хваляванні ўспыхнулі ў лагеры на мяжы з Украінай.
Расейскія мабілізаваныя ўзнялі новы бунт, запатрабаваўшы выплаты заробкаў, забеспячэння харчаваннем і экіпіроўкай.
Атрад з амаль 600 мабілізаваных з Цюмені ўжо паўтара месяца жыве недалёка ад мяжы з Украінай у Бранскай вобласці РФ, паведамляе «24 канал».
Са звестак украінскіх спецслужбаў стала вядома, што 600 вайскоўцаў РФ зладзілі акцыю пратэсту камандаванню РФ і запатрабавалі вярнуць іх дадому.
Да гэтага прывяло прызнанне аднаго з прадстаўнікоў расейскага штаба ў тым, што мабілізаваныя могуць не чакаць заробку за лістапад.
Акрамя адсутнасці выплат, абяцаных асабіста Пуцінам, мабілізаваныя незадаволеныя адсутнасцю харчовых пайкоў, цёплага адзення і медыцынскага забеспячэння, а таксама неабходнасцю жыць на вуліцы.
Каб уціхамірыць бунт, расейскія афіцэры пастанавілі правесці перамовы з трыма прадстаўнікамі мабілізаванага батальёна. Камандзіры гарантавалі «мобікам» заробак, харчовыя пайкі і «хуткае вяртанне» ў Цюмень.
Аднак афіцэры падманулі жаўнераў-бунтаўнікоў. Украінскай выведцы стала вядома, што паміж 10 і 15 снежня «мобікаў» павінны адправіць на забой пад Бахмут - іх перададуць у падпарадкаванне «вагнераўцам».