Nissan распрадае склад у Менску

Новых паставак аўтамабіляў у Беларусь не будзе.

Стала вядома, што ў Беларусь больш не будзе новых паставак аўтамабіляў Nissan. Цяпер дылер пачаў працэс ліквідацыі склада.

На складзе і ў шоўруме аўтацэнтра «ДрайвМотарс» на Даўгінаўскім тракце, 186 засталіся дзве мадэлі: Nissan Terrano і Qashqai. Аўто прадэманстраваныя ў розных камплектацыях.

Красовер Nissan Terrano ў камплектацыі Elegance патаннеў да 64 571 рубля. Даступныя толькі 3 аўтамабілі.

Гарадскі красовер Nissan Qashqai ў камплектацыі SE можна набыць за 84207 рублёў. Гэта амаль на 20 тысяч рублёў менш, чым раней. Аўтамабіляў гэтай мадэлі даступна больш.

Пасля распродажу склада аўтамабіляў Nissan у наяўнасці новыя пастаўкі з Еўропы ці Японіі ў агляднай будучыні не прадбачацца.

«На рынку атрымае большае развіццё кірунак японскіх аўтамабіляў з прабегам. А вось новых партый з аб'ектыўных прычын чакаць не трэба. Так што, фактычна, мы распрадаём апошнія аўтамабілі без прабегу. Зразумела, што ніякай радасці ад гэтага не адчуваем, але такая рэальнасць. Што тычыцца абслугоўвання японскіх аўтамабіляў, то яно працягнецца цалкам і па ўсіх абавязацельствах», – паведамілі ў аўтацэнтры «ДрайвМотарс».