Рэжымы Лукашэнкі і Пуціна ствараюць «наднацыянальны падатковы камітэт»

Дыктатар і яго суўдзельнікі распрадаюць суверэнітэт Беларусі.

Расейскі ўрад разгледзеў ратыфікацыю дамовы з Беларуссю аб спагнанні ўскосных падаткаў.

Варта нагадаць, што ён мяркуе стварэнне «наднацыянальнага органа». Дамова была падпісаная ў рамках рэалізацыі праграм «у паглыбленню інтэграцыі».

Нагадаем, у лістападзе 2021 года Лукашэнка на паседжанні так званага вышэйшага дзяржсавета «саюзнай дзяржавы» падпісаў дэкрэт, які зацвярджае так званыя саюзныя праграмы Беларусі і Расеі. Дакумент раней падпісаў і Пуцін.

9 верасня 2021 года падчас сустрэчы Лукашэнкі і Пуціна ў Крамлі былі ўзгодненыя ўсе 28 «саюзных праграм».

У дакументах размова ідзе аб збліжэнні валютных сістэм, прынцыпах спагнання ўскосных падаткаў і фармавання грашова-крэдытнай палітыкі, а таксама стварэння агульнай аплатнай прасторы, так званай барацьбе з тэрарызмам.

Адзначым, што Лукашэнка саступіў на выбарах у 2020 годзе і трымае ўладу незаконна. Яго не прызнае ўвесь цывілізаваны свет. Подпіс дыктатара пад усімі дакументамі з'яўляецца нелегітымным.