У Беларусі хочуць адмовіцца ад надпісаў на лацінцы
32- 8.12.2022, 20:56
- 11,908
Лукашысты хочуць пісаць назвы толькі на беларускай і расейскай мовах.
У Беларусі разглядаюць магчымасць адмовіцца ад надпісаў на лацінцы, каб пісаць назвы толькі на беларускай і расейскай мовах. Гэтае пытанне абмяркоўвалася на нарадзе ў гістарычнай палітыцы, піша БелТА.
Так, са слоў старшыні управы РДГА "Веды" Вадзіма Гігіна, на радзе прапанавалі пісаць тапанімічныя назвы, гэта значыць назвы вуліц, гарадоў, станцый метро толькі на дзяржаўных мовах. А таксама пры гэтым у выпадках так званай раманізацыі, то бок перадачы беларускай мовы лацінскімі літарамі, не выкарыстоўваць дыякрытычныя знакі.
- Абмяркоўвалася выкарыстанне толькі кірылічных надпісаў, - падкрэсліў Гігін.
У сваю чаргу кіраўнік Дзяржкамітэта па маёмасці Дзмітрый Матусевіч паведаміў, што сістэма транслітарацыі геаграфічных назваў будзе ўдасканаленая. Ён нагадаў, што ў Беларусі заканадаўча зацверджана патрабаванне праводзіць работу для перайменаванні беларускіх найменняў для іншаземцаў, літарамі лацінскага алфавіту.
- Гэтая праца праводзіцца ўвесь час, - заўважыў ён.
Матусевіч дадаў, што прапанова ўвыкарыстанні кірылічных надпісаў выслухана і будзе абмяркоўвацца ў экспэртным коле, сярод навуковай супольнасці.
- Будуць выпрацаваны пэўныя пастановы, але транслітарацыю як з'яву гэта не скасуе ў кожным выпадку, - упэўнены ён.
І дадаў, што транслітарацыя па-ранейшаму будзе выкарыстоўвацца ў картаграфічных назвах для замежнікаў.
А рэзюмуючы заявіў, што стаіць пытанне, удасканалення сістэмы транслітарацыі такім чынам, каб беларускія назвы чыталіся замежнікамі так, як яны гучаць на беларускай мове. Другое пытанне звязана з тым, дзе размяшчаць інфармацыю з выкарыстаннем транслітарацыі.
- Але транслітарацыю нельга скасавауь, таму што гэта патрабаванне закона, - сказаў на заканчэнне ён.